Modern.az xəbər verir ki, Azərbaycanda keçiriləcək beynəlxalq velosiped turniri ilə əlaqədar mayın 9-dan 13-dək paytaxtda və respublikanın bəzi rayonlararası yollarında nəqliyyatın hərəkəti məhdudlaşdırılacaq. Bu barədə Baş Dövlət Yol Polis İdarəsinin rəsmi saytında məlumat yayılıb.
Bildirilib ki, Heydər Əliyevin anadan olmasının 89-cu ildönümünə həsr olunmuş beynəlxalq velosiped turniri ilə əlaqədar mayın 9-da paytaxtın Azadlıq meydanı, Neftçilər prospekti boyunca Azneft dairəsində, Nobel prospekti, Zığ şosesində, mayın 10 və 12-də Bakı-İsmayıllı, mayın 11-də isə Qəbələ-Şəki yolunda nəqliyyatın hərəkəti fasilələrlə məhdudlaşdırılacaq.
DYP sürücülərdən xahiş edir ki, qeyd olunan günlərdə həmin istiqamətlərdə fərdi nəqliyyat vasitələrindən mümkün qədər az istifadə etsinlər.
Modern.az
