Milli Məclisin plenar iclası davam edir. Modern.az xəbər verir iclasda İran-Azərbaycan münasibətlərinə toxunan deputat Qənirə paşayeva bildirib ki, İran tərəfi Azərbaycanın daxili işlərinə qarışmağa davam edir.
Xanım millət vəkili qey edib ki, İranda "Eurovision" mahnı müsabiqəsinin İslam dini əleyhinə olduğunu deyənlər Şuşanın ermənilər tərəfindən işğal olunmasının 20 illiyi ilə bağlı heç bir reaksiya bildirmədilər.
Q.Paşayeva onuda bildirib ki, din pərdəsi arxasında bəyanat verənlər Şuşada müsəlmanların qətlə yetirilməsi, islam mədəniyyətinin məhv edilməsi ilə bağlı heç bir bəyanat vermədi.
Deputat heç bir dövlətin Azərbaycanın daxili işlərinə qarışmaq hüququnun olmadığını deyib.
Q.Paşayeva həmçinin İranda iki gənc azərbaycanlı şairin saxlanıldığını və onların həbs olunması barədə açıqlama verilmədiyini bildirib.
Deputat həmçinin İrana müalicəyə gedən insanların girov götürülərək narkotik qaçaqmalçıları ilə dəyişdirilməsinidə bildirib.
Modern.az
