Bu gün Azərbaycanın futbol üzrə milli komandası Dünya Çempionatı 2014-ün seçmə mərhələsinə hazırlıq prosesi çərçivəsində növbəti yoxlama matçına çıxacaq. Modern.az-ın məlumatına görə, Berti Foqtsun komandası Yaponiyanın Şizuoka şəhərində həmin ölkənin yığma komandası ilə qarşılaşacaq. Yaponiya və Azərbaycan milli komandaları arasında keçiriləcək yoldaşlıq oyunun start fiti Bakı vaxtı ilə saat 15:15-də başlayacaq.
Doğma azarkeşləri önündə oynayacaq Yaponiya millisi görüşün favoriti hesab olunur. Lakin millimiz də güclü rəqibi ilə görüşdə sərfəli nəticə qazanmağa çalışacaq.
