Azərbaycan Respublikasının Prezidenti yanında Qeyri- Hökumət Təşkilatlarına Dövlət Dəstəyi Şurasının maliyyə dəstəyi ilə “Lider Qadınlar” İctimai Birliyi “İnsan hekayələri - Qarabağın uşaqları” adlı yeni layihənin icrasına başlayıb.
Layihənin əsas məqsədi Qarabağın işğalı zamanı öz yurd-yuvalarından didərgin düşmüş uşaqların dili ilə onların müharibələrdən çəkmiş olduqları əzab və əziyyətləri haqqında hekayələrin ictimaiyyətə çatdırılmasıdır.
İctimai Birlik bununla bağlı orta məktəb şagirdlərinin Qarabağ münaqişəsi haqqında təəssüratlarını öyrənmək üçün geniş sorğu keçirib.
“Lider Qadınlar” İctimai Birliyi layihə çərçivəsində 500-dən çox qaçqın və məcburi köçkün arasında ``Qarabağ nəğmələri`` adlı yazı müsabiqəsi keçirilib. Müsabiqəyə daxil olan məqalələrdən 35 şagirdin məqaləsi bəyənilib və onlardan 5 nəfərinə isə xüsusi mükafat verilməsi nəzərdə tutulubdur. Mükafatların təqdimatı yaxın günlərdə keçiriləcəkdir.
Modern.az
