Ukrayna və Polşada keçirilən futbol üzrə Avropa çempionatının qrup mərhələsində II turun oyunlarına yekun vurulub.
Modern.az-ın məlumatına görə, turnirin səkkizinci günündə - iyunun 15-də daha iki qarşılaşma baş tutub.
İlk öncə meydana təşkilatçı ölkə Ukrayna yığması çıxıb. Lakin leysan matçı bir saat gecikdirib. Bununla belə oyun baş tutub. Fasiləyə 0:0 hesabı ilə yollanan komandaların duelində qollar ikinci hissədə vurulub. Matçın 53 və 56-cı dəqiqələrində fərqlənən Fransa millisi turnirdə ilk qələbəsini qazanıb - 2:0.
Günün son qarşılaşmasında isə İsveç və İngiltərə milliləri üz-üzə gəlib. İlk görüşün meydan sahibləri Ukraynaya 1:2 hesabı ilə uduzan İsveç bu dəfə daha çətin sınaq qarşısında idi. Ötən oyun Fransa ilə 1:1 bərabərə qalan ingislər turnirdə ilk qələbəsini qazanmaq niyyətində idi ki, bunu da bacarıblar. Ümumilikdə 5 qolun vurulduğu görüş 3:2 hesabı ilə İngiltərənin xeyrinə başa çatıb.
Beləliklə, iki turdan sonra turnir cədvəlləri aşağıdakı kimidir:
|
| Komanda | O | Q | H | M | Qollar | Xallar |
| 1 | Fransa | 2 | 1 | 1 | 0 | 3-1 | 4 |
| 2 | İngiltərə | 2 | 1 | 1 | 0 | 4-3 | 4 |
| 3 | Ukrayna | 2 | 1 | 0 | 1 | 2-3 | 3 |
| 4 | İsveç | 2 | 0 | 0 | 2 | 3-5 | 0 |
|
| Komanda | O | Q | H | M | Qollar | Xallar |
| 1 | Rusiya | 2 | 1 | 1 | 0 | 5-2 | 4 |
| 2 | Çexiya | 2 | 1 | 0 | 1 | 3-5 | 3 |
| 3 | Polşa | 2 | 0 | 2 | 0 | 2-2 | 2 |
| 4 | Yunanıstan | 2 | 0 | 1 | 2 | 2-3 | 1 |
|
| Komanda | O | Q | H | M | Qollar | Xallar |
| 1 | Almaniya | 2 | 2 | 0 | 0 | 3-1 | 6 |
| 2 | Portuqaliya | 2 | 1 | 0 | 1 | 3-3 | 3 |
| 3 | Danimarka | 2 | 1 | 0 | 1 | 3-3 | 3 |
| 4 | Hollandiya | 2 | 0 | 0 | 2 | 1-3 | 0 |
|
| Komanda | O | Q | H | M | Qollar | Xallar |
| 1 | İspaniya | 2 | 1 | 1 | 0 | 5-1 | 4 |
| 2 | Xorvatiya | 2 | 1 | 1 | 0 | 4-2 | 4 |
| 3 | İtaliya | 2 | 0 | 2 | 0 | 2-2 | 2 |
| 4 | İrlandiya | 2 | 0 | 0 | 2 | 1-7 | 0 |
Bu gün qrup mərhələsində III turun oyunlarına start veriləcək. Ötən oyunlardan fərqli olaraq bu dəfə hər iki görüş eyni saatda - Bakı vaxtı ilə 23:45-də başlayacaq. Aktivində cəmi 1 xalı olan Yunanıstan yığmasını bu görüşdə yalnız qələbə razı sala bilər. Bu oyuna qədər 4 xalla qrup lideri olan Rusiya millisini isə bir xal da qane edəcək.
Günün digər qarşılaşmasında isə meydan sahibləri Polşa və Çexiya yığmaları münasibətlərinə aydınlıq gətirəcəklər. Son iki oyunda meydanı heç-heçə ilə tərk edən Polşa millisi qrupdan çıxmaq üçün bu oyunda mütləq qələbə qazanmalıdır. Əks təqdirdə Polşa turnirdə mübarizəni erkən dayandırmalı olacaq.
