Modern.az saytı xəbər verir ki, “Azərbaycan qadını” jurnalının növbəti 11-ci sayı işıq üzü görüb. Hər üç aydan bir oxucuların görüşünə gələn “Azərbyacan qadını “ jurnalının budəfəki buraxılışında maraqlı materiallar yer alıb.
Jurnalda bu ilin mayında Bakıda keçirilən “Eurovision”un xüsusi qonaqları ilə maraqlı məlumatlar, ulduzlarla müsahibələr diqqəti çəkir.
“Azərbaycan qadını” jurnalının yay buraxılışında “Eurovision-2012”nin aparıcısından biri - Nərgiz Birk-Petersen ilə yaxından tanışlıq gözləyir.
Xatırladaq ki, Tələbə Qəbulu üzrə Dövlət Komissiyasının sədri Məleykə Abbaszadənin qızı olan Nərgiz Danimarka vətəndaşı Ulrik Birk-Petersenlə ailə həyatı qurduqdan sonra özü də Danimarka vətəndaşılığını qəbul edib. İki uşaq anası olan Nərgiz, həyat yoldaşının soyadını götürüb və hazırda Kopenhagendə yaşayır.
Modern.az
