Prezident İlham Əliyev tanınmış heykəltəraş Tokay Məmmədovu təltif edilməsi ilə bağlı sərəncam imzalayıb. Modern.az Prezidentin rəsmi internet saytına istinadən xəbər verir ki, ölkə başçının sərəncamı ilə Azərbaycan mədəniyyətinin inkişafındakı xidmətlərinə görə Tokay Həbib oğlu Məmmədov “Şərəf” ordeni ilə təltif edilib.
Qeyd edək ki, görkəmli heykəltəraş Tokay Həbib oğlu Məmmədov 1927-ci il iyulun 18-də Bakıda anadan olub. T.Məmmədov Azərbaycanın Əməkdar incəsənət xadimi, Xalq rəssamı, professor, SSRİ Dövlət Mükafatı laureatıdır.
Modern.az
