Əmanətlərin Sığortalanması Fondundan “Royal Bank” ASC-nin əmanətçilərinə şad xəbər. Modern.az Fondun rəsmi saytına istinadən xəbər verir ki, Əmanətlərin Sığortalanması Fondu ictimaiyyətin diqqətinə çatdırır ki, 07 avqust 2007-ci ildən Fonda üzv olan “Royal Bank” ASC-də 16 iyul 2012-ci il tarixində sığorta hadisəsi baş verib.
Fondun Himayəçilik Şurasının 18 iyul 2012-ci il tarixli qərarına əsasən sığorta hadisəsi baş verən “Royal Bank” ASC-nin qorunan əmanətçilərinə kompensasiyaların ödənilməsi üçün agent bank olaraq “Muğanbank” ASC, “Bank Respublika” ASC və “AGBank”ASC seçilib. Avqustun 1-dən etibarən Əmanətlərin Sığortalanması Fondu seçilən agent bankalar vasitəsi ilə sığorta hadisəsi baş verən “Royal Bank” ASC-nin qorunan əmanətçilərinə kompensasiyaların ödənişinə başlayacaq. Seçilən agent bankların kompensasiyaların ödənilməsində iştirak edəcək filialları, onların dəqiq ünvanları və əlaqə telefonları barədə əlavə məlumat veriləcək. Fond tərəfindən hər bir iştirakçı bankda sığortalanan əmanət üzrə əmanətin 100 faizi həcmində, lakin 30 min manatdan çox olmamaq şərti ilə kompensasiya ödənilir.
