Bu günlərdə “Lider Qadınlar” İctimai Birliyi tərəfindən `` İnsan Hekayələri: Qarabağın Uşaqları`` adlı kitab nəşr edilib. Təşkilatdan Modern.az-a verilən məlumata görə, kitabda Azərbaycanın işğal olunmuş rayonlarından olan qaçqın və məcburi köçkün məktəbli uşaqların müsabiqə yolu ilə seçilmiş “Qarabağ Nəğmələri” adlı xatirələri əks olunub. Bundan əlavə kitabda Qarabağın işğalı zamanı erməni vandalizminin nəticələri də verilib.
İngilis dilində çap olunan kitab Qarabağ həqiqətlərinin beynəlxalq ictimaiyyətə çatdırılmasında mühüm təbliğat vasitəsi olacaqdır.
Qeyd edək ki, kitab Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyə dəstəyi ilə hazırlanıb.
Xatırladaq ki, bu kitab Qarabağ mövzusunda “Lider Qadınlar” İctimai Birliyi tərəfindən işıq üzü görən dördüncü kitabdır. Sonuncu kitab “Qarabağ Müharibəsi Azərbaycan Qadınlarının Mühakiməsində`` adlı kitabdır.
Modern.az
