Nazirliyin sözçüsü: “Hava limanın istifadəsinə münasibət bildiriləcək”
Azərbaycan tərəfi Xankəndində hava limanının rəsmən istifadəyə verilməsinə münasibət bildirəcək. Bu barədə Modern. az saytına Xarici İşlər Nazirliyinin mətbaut xidmətinin rəhbəri Elman Abdullayev məlumat verib. O, bildirib ki, bu gün adıçəkilən məsələ ilə bağlı brifinq keçiriləcək və bu birifinqdə Azərbaycan tərəfi öz mövqeyini bildirəcək.
Qeyd edək ki, dünən erməni mətbuatı Xankəndi hava limanının rəsmən istifadəyə verilməsi barəsində məlumat vermişdi. Məlumatda deyilirdi ki, uçuşların həyata keçirilməsi üçün rəsmi şəkildə sertifikat alınıb və həmin sertifikatı erməni tərəfi sentyabrın 28-də əldə edib.
Məlumata görə, uçuşlar Xankəndindən İrəvana və əksinə olacaq. İlk uçuşun bu ay olacağı bildirilir.
