“Elm siyasəti haqqında” qanun layihəsi Milli Məclisin payız sessiyasında plenar iclasa təqdim olunacaq. Bu barədə Modern.az-a Elm və təhsil komitəsinin sədr müavini, millət vəkili Bəxtiyar Əliyev deyib. Deputat bildirib ki, qanun layihəsi qəbul olunarsa, Azərbaycanda elmin inkişafına fundamental kömək edəcəkdir.
“Bu qanun layihəsi elmin maliyyələşdirilməsinə geniş imkanlar açacaqdır. Bu isə Azərbaycanda fundamental elmin inkişafına böyük yardım göstərəcək. Bütün elmi-təhqiqat müəssisələri və elmi təhqiqatla məşğul olan alimlər şübhəsiz ki, bu qanun qəbul edildikdən sonra daha böyük imkanlara malik olacaqlar. Nəzərdə tutmuşuq ki, payız sessiyasında Milli Məclisin plenar iclasına təqdim edək”.
