Azərbaycan Respublikası Dövlət Neft Şirkəti (ARDNŞ) 50 nəfər işçini müvafiq idarələrdə işə götürdü. Modern.az xəbər verir ki, ARDNŞ-nin müəssisə və təşkilatlarında aparılan struktur dəyişiklikləri ilə əlaqədar olaraq sərbəstləşdirilən işçilərin məşğulluğunun təmin edilməsi məqsədi ilə keçirilən görüşlər davam etdirilməkdədir. Oktyabrın 15 və 19-da ARDNŞ-nin İnsan Resursları Departamentində Şirkətin müəssisələrində aparılan struktur dəyişiklikləri ilə əlaqədar olaraq sərbəstləşdirilən işçilərin səmərəli yerləşdirilməsi məsələsinə həsr olunan görüşdə sərbəstləşdirilmiş daha 50 nəfər işçiyə Dövlət Neft Şirkətinin müvafiq strukturlarında ixtisas və peşələrinə uyğun mövcud vakansiyalar üzrə iş təklif olunub. Onlar təklifləri qəbul ediblər. Hazırda həmin 50 nəfərin şirkətin müxtəlif strukturlarında işə götürülməsi ilə bağlı sənədləşdirmə aparılır.
Modern.az
