“Noyabrın 15-dən qaz sistemi qış rejiminə keçəcək”. Bu barədə Modern.az-a “Azəriqaz” İstehsalat Birliyinin mətbuat xidmətinin rəhbəri Araz Ağayev deyib. “Sovet dövründə qış və yay rejimi mövcud idi. Bu, hesabat normativləri əsasında aparılırdı. Bəlli bir tarix var idi ki, həmin tarixdə yay, qış mövsümünə keçidlə bağlı rejimlər dəyişirdi. Hazırda bu sistem qismən aradan qaldırılıb. Bu, qaz tələbatına uyğun olaraq tənzimlənir. Amma qış rejiminə hazırlıq, bu şəbəkənin nizamlanması, qaz paylayıcı stansiyalarda təmir işlərinin aparılması, xətlərə baxış keçirilməsi bu mövsüm xarakterı daşıyır”, – deyə A. Ağayev bildirib.
