İran parlamentinin nümayəndə heyətinin Türkiyəyə nəzərdə tutulan rəsmi səfəri təxirə salınıb. Modern.az-ın İran mətbuatına istinadən verdiyi xəbərə görə, rəsmi Ankara iranlı deputatların Türkiyəyə səfərə gəlməsinə müsbət reaksiya verməyərək təklifdən imtina ediblər. Səfərlə bağlı açıqlama verən deputat İbrahim Ağaməhəmmədinin sözlərinə görə, Türkiyə Böyül Millət Məclisinin (TBMM) sədri Cəmil Çiçək və xarici işlər naziri Əhməd Davudoğlu iş proqramlarının məşğul olduqlarını və bu görüşə vaxt ayıra bilmədiklərini açıqlayıblar.
Qeyd edək ki, iranlı deputatların Türkiyəyə səfəri bu gün nəzərdə tutulmuşdu.
Modern.az
