Azərbaycan və Ermənistan prezidentləri Parisdə Minsk Qrupunun yeni təqdim olunmuş təkliflərini müzakirə edəcəklər
ATƏT-in Minsk Qrupunun həmsədrləri Azərbaycan və Ermənistan prezidentlərinin görüşünü hazırlayır. Modern.az bildirir ki, bu barədə erməni “Joxovurd” qəzeti diplomatik mənbələrə istinadən məlumat yayıb. Məlumata deyilir ki, prezidentlərin görüşü dekabrın sonunda Parisdə keçiriləcək.
Həmsdərlərin regiona səfərinin məqsədlərindən biri məhz bu görüşün keçirilməsinə razılıq əldə etməkdir. Bundan başqa həmsədrlər Qarabağ münaqişəsinin həlli üçün tərəflərlə yeni təklifləri müzakirə etmək niyyətindədirlər.
Dağlıq Qarabağdakı separatçı rejimin rəhbəri Saakaynla görüşən həmsədrlər bu gün İrəvana gələcəklər. Bazar ertəsi isə Bakıda olacaqlar.
X.SƏFƏROĞLU
