“Televiziya kanallarında yayımlanan kriminal veriliş və xəbərlərlə bağlı Baş Prokurorluqda guya xüsusi komissiya yaradılması ilə əlaqədar Azəri-Press Agentliyi (APA) tərəfindən yayılan informasiyalar həqiqəti əks etdirmir və tərəfimizdən qəti şəkildə təkzib olunur”.
Bunu Modern.az saytına Baş Prokurorluğun mətbuat xidmətinin rəhbəri Eldar Sultanov bildirib.
Qeyd edək ki, APA-nın məlumatına görə, Baş Prokurorluqda televiziya kanallarında yayımlanan kriminal veriliş və xəbərlərlə bağlı xüsusi komissiya yaradılıb. Komissiya hökumətin göstərişi ilə formalaşdırılıb.
