Yanvarın 7-də səhər saatlarında Bakı şəhərindəki Aslan Muradov adına 84 nömrəli tam orta məktəbdə yanğın baş verib.
Bakı Şəhəri Təhsil İdarəsindən Modern.az-a verilən məlumata görə, yanğın məktəbin ikinci mərtbəsində qeydə alınıb:
"Məktəbin müəllim və şagird heyəti təxliyə olunub.
Dövlət Yanğından Mühafizə Xidmətinin yanğından mühafizə bölmələri tərəfindən yanğın qısa müddət ərzində söndürülüb. Yanğın zamanı xəsarət alan olmayıb".
Bildirilib ki, bu gün məktəbdə dərslərin distant qaydada davam etdirilməsi nəzərdə tutulur.
