Amerika Birləşmiş Ştatlarının Prezidenti Barak Obama prezident İlham Əliyevə təşəkkür məktubu göndərib. Modern.az prezidentin rəsmi saytına istinadən bildirir ki, ABŞ prezidenti İlham Əliyevə ona ünvanladığı məktuba görə, minnətdarlığını bildirib.
“Hörmətli cənab Prezident,
Göndərdiyiniz xoş təbrik məktubunuza görə Sizə minnətdarlığımı bildirirəm. Növbəti dörd il ərzində ölkələrimiz arasında əməkdaşlıq əlaqələrinin davam etdirilməsini və daha da möhkəmləndirilməsini arzulayıram. Əminəm ki, birgə səylərimiz nəticəsində dünyanın bir çox yerində üzləşdiyimiz çağırışların öhdəsindən uğurla gələcəyik.
Bir daha xoş sözlərinizə görə təşəkkür edirəm”.
Modern.az
