"Paytaxtda və regionlarda yerləşən məktəblərdə epidemioloji vəziyyət fərqlidir".
Modern.az xəbər verir ki, bunu Təhsil Nazirliyinin Ümumi təhsilin təşkili və idarəolunması sektorunun müdiri Fuad Qarayev söyləyib.
O qeyd edib ki, son iki həftədə yoluxma sayında kəskin azalma müşahidə edilir:
"Bu səbəbdən şagirdlərin dərsə davamiyyəti əvvəlki dövrlərə nisbətən yaxşılaşıb. Hesab edirəm ki, yaxın zamanda yoluxma sayı o həddə çatacaq ki, tədris prosesində qırılmalar baş verməyəcək".
Təhsil işçilərinin vaksinasiyasına toxunan F Qarayev bildirib ki, hər bir müəllim öz məsuliyyətini başa düşür:
"Müəllimlərimiz bilirlər ki, birmənalı şəkildə şagirdlərlə birbaşa ünsiyyətdədilər və cəmiyyətdə nümunəvi insandırlar. Ona görə də vaksinasiya prosesində aktiv iştirak edirlər".
