“ASAN xidmət” mərkəzi Binəqədi rayonunun sakinlərinə xidmət edəcək. Modern.az-ın məlumatına görə, fevralın 11-də bu rayonun vətəndaşları “ASAN xidmət” mərkəzinin xidmətlərindən yararlana biləcək.
Qeyd edək ki, yanvarın 15-dən Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan 1 nömrəli “ASAN xidmət” mərkəzi vətəndaşlara xidmət göstərməyə başlayıb. İlkin mərhələdə paytaxtın Nəsimi və Nərimanov rayonlarının sakinlərinə xidmət göstərib.
“ASAN xidmət” mərkəzində 9 dövlət orqanı – Ədliyyə, Daxili İşlər, Vergilər nazirlikləri, Əmlak Məsələləri Dövlət Komitəsi, Dövlət Gömrük Komitəsi, Dövlət Miqrasiya Xidməti, Dövlət Torpaq və Xəritəçəkmə Komitəsi, Dövlət Sosial Müdafiə Fondu və Milli Arxiv İdarəsi tərəfindən 23 adda hüquqi xidmət həyata keçirir.
Sevinc
