“IX sinif buraxılış imtahanına Azərbaycan tarixi fənninin salınması məsələsi yalandır”. Modern.az-a açıqlamasında bu sözləri Tələbə Qəbulu üzrə Dövlət Komissiyasının (TQDK) mətbuat xidmətinin rəhbəri Elnur Nağızadə deyib. Onun sözlərinə görə, bu il imtahan qaydaları ilə bağlı heç bir dəyişiklik olmayacaq.
Qeyd edək ki, son günlər ictimaiyyət arasında IX sinif şagirdlərinin Azərbaycan dili və Riyaziyyatla yanaşı, Azərbaycan tarixi fənnindən buraxılış imtahanı verəcəyi haqda məlumat yayılmışdı.
Xatırladaq ki, ötən il Prezident İlham Əliyevin fərmanı ilə orta məktəblərdə mərkəzləşmiş buraxılış imtahanlarının keçirilməsi və dərsliklərin monitorinqinin aparılması Təhsil Nazirliyindən alınaraq, TQDK-ya həvalə edilib.
Sevinc İltifatqızı
