“Azərbaycan Respublikasının Prezidenti cənab İlham Əliyevin Əkrəm Əylislinin “Xalq yazıçısı” adından və prezident təqaüdündən məhrum edilməsi haqqında imzaladığı sərəncamları alqışlayıram”. Modern.az-ın məlumatına görə, bu fikirləri Milli Məclisin deputatı Azay Quliyev bildirib.
“Əslində Əkrəm Əylisli Azərbaycanın əleyhinə böhtan, yalan və təhqir dolu “Daş yuxusu” romanını yazmaqla özü-özünün “sərəncam”ını əvvəlcədən vermişdi. Yazıqlar olsun ki, erməni ideoloqlarının yüz illər boyu millətimizə qarşı işlətdiyi “erməni xalqı Qafqazın ən qədim və ən mədəni xalqıdır”, “azərbaycanlılar bu ərazidə səlcuqlar zamanında məskunlaşıbdır”, “Naxçıvan və Qarabağ qədim erməni torpağıdır”, “türklər ermənilərə qarşı soyqırım törədib”, “Sumqayıt hadisələrinn baiskarı yalnız azərbaycanlılardır”, ”qarabağ erməniləri azərbaycanlılarla birgə yaşaya bilməz”, “azərbaycanlılar kobud, qəddar və barbardılar” və.s. bu kimi cəfəng və əsassız tezislərini öz romanında təkrarlamaqla çox böyük milli xəyanatə və saxtakatlığa imza atmış oldu. Belə nankor və xəyanətkar şəxs təbii olaraq xalqın nifrətinə və qəzəbinə layiq olduğundan “xalq yazıçısı” fəxri adını daşıya bilməzdi. Heysiyyatı tapdanmış millət bu adı ona halal etməzdi və necə ki, etmədi. Qoy bu başqalarına da bir dərs olsun”-deyə deputat Əkrəm Əylislini sərt tənqid edib.
Anar RÜSTƏMOV
