“Ocaq” Cəmiyyətinin sədri Tofiq Məliklinin Diasporla İş üzrə Dövlət Komitəsinin ünvanına səsləndirdiyi ittihama Komitədən cavab verilib. Dövlət Komitəsinin mətbuat xidmətindən Modern.az-a verilən məlumata görə, Komitə heç vaxt heç bir təşkilatın keçirdiyi tədbirlə bağlı yanlış informasiya yaymayıb.
“Dövlət Komitəsinin “Ocaq” Azərbaycan Mədəniyyət Cəmiyyəti ilə bağlı son üç ayda yaydığı yeganə məlumat 2012-ci il dekabr ayının 24-də Komitənin rəsmi internet səhifəsinə AzərTAc-a istinadən yerləşdirilib. Burada Dövlət Komitəsinin dəstəyi ilə tədbir keçirildiyinə dair heç bir informasiya yoxdur. Dövlət Komitəsinin kifayət qədər çoxsaylı tədbirləri olur, eyni zamanda dəstəklədikləri tədbirlərin, layihələrin də sayı az deyil”, – deyə məlumatda qeyd edilir.
Xatırladaq ki, ”Ocaq” Cəmiyyətinin sədri Tofiq Məlikli Diasporla İş üzrə Dövlət Komitəsinin dəstəyi ilə Moskvada onların tədbirin keçirməsi barədə yanlış informasiya yaydığını bildirmişdi.
Aytən Əliyeva
