Rüstəm İbrahimbəyov “El” hərəkatı ilə bağlı tapşırıq verdi
Azərbaycan Ziyalılar Forumunun təsisçisi, hazırda ölkə xaricində olan kinodramaturq Rüstəm İbrahimbəyov “El” hərəkatı ilə bağlı son tapşırıqlarını verib. Bu barədə Modern.az-a Ziyalılar Forumunun Koordinasiya Şurasının üzvü Eldəniz Quliyev məlumat bildirib.
““El” hərəkatının bu gün keçiriləcək təqdimatı ilə bağlı Rüstəm İbrahimbəyovla əlaqə saxladıq. O da öz xeyir-duasını verdi. Zəng eləyib salamlarını çatdırdı. Rüstəm bəy belə bir qurumun Azərbaycan reallığı üçün nə qədər zəruri olduğunu vurğulayaraq, öz təbriklərini bildirdi”- deyə kinossenarist vurğulayıb.
E.Quliyev bildirib ki, “El” hərəkatının bu gün keçirilən təqdimat mərasimində bir neçə müxalifət lideri iştirak edəcək:
“Təqdimat mərasiminə Müsavat başqanı İsa Qəmbər, AXCP sədri Əli Kərimli, Azərbaycan Liberal Partiyasının lideri Lalə Şövkət dəvət olunublar. Yəqin ki, təqdimata qatılacaqlar”.
Anar RÜSTƏMOV
