Martın 17-də İsmayıllı rayonun yeni icra başçısı Mirdaməd Sadıqovun göstərişi ilə işsiz rayon sakinləri üçün əmək yarmarkası keçirilib. Rayon İcra Hakimiyyətindən Modern.az-a verilən məlumata görə, sakinlərin iş problemlərinin həlli üçün əlindən gələni edəcəyini söz verən icra başçısı bu istiqamətdə ciddi tədbirlərin görüləcəyini bildirib.
Əmək yarmarasında 400 iş yeri təklif olunub. Yarmarkada iştirak edənlərin böyük əksəriyyəti gənclərdən ibarət olub. Yarmarkanın sonunda 186 nəfər işlə təmin olunub. Bildirilib ki, yaxın aylarda İsmayıllıda yeni iş yerləri açılacaq, işsiz insanlarımn sayı minimuma enəcək.
