Quba rayonundan millət vəkili seçilmiş Vahid Əhmədovun rayonda seçiciləri ilə növbəti görüşü və qəbulu Novruz bayramı ərəfəsində baş tutub. Deputatın köməkçisi Arif Orucovun Modern.az-a bildirdiyinə görə, dünən V.Əhmədov Quba şəhərindəki ofisində toplanmış seçiciləri ilə görüşən millət vəkili onları Novruz bayramı münasibəti ilə təbrik edib.
Sonra qəbula yazılmış seçicilərı onların xahişinə uyğun olaraq tək-tək qəbul edib. Ümumilikdə qəbula 37 nəfər Quba və qonşu Xaçmazdan olan sakinlər gəlib. Qəbul zamanı əhalini narahat edən bir çox məsələlər, o cümlədən mənzillərin verilməsi, ev tikmək üçün torpaq sahəsinin ayrılması, işlə təmin olunma, Quba hadisələri ilə bağlı tutulanların əfv olunması, evlərin təmiri və bir sıra başqa məsələlər qaldırılıb. Elə qəbul prosesində bir çox məsələlərin həlli istiqamətində imkanlar araşdırılıb, müvafiq rayon təşkilatlarına müraciətlər edilib. Qalan məsələlər həlli olunması üçün nəzarətə götürülüb.
