"Məktəb direktorlarının maaşlarına əlavələrin məktəbdəki şagird sayına görə müəyyənləşməsi aşağı nəticə göstərən şagirdlərin məktəbdən uzaqlaşdırılmasının qarşısını alacaq".
Modern.az xəbər verir ki, bunu elm və təhsil naziri Emin Əmrullayev keçirdiyi brifinqdə deyib.
Nazir qeyd edib ki, bəzi hallarda direktorlar təhsil müəssisəsinin keyfiyyətini süni şəkildə artırmaq üçün aşağı nəticə göstərən şagirdləri məktəbdən uzaqlaşdırırdılar:
"Hesab edirəm ki, şagirdlər həmin məktəbdə oxumalıdırlar. Yeni qərarla məktəb direktorları həmin şagirdləri məktəbdə saxlamaqda maraqlı olacaqlar".
