Ötən gecə UEFA Çempionlar Liqasının 1/4 final mərhələsinin iki cavab oyunu keçirilib.
Səfərdə Madrid "Real"ına 0:3 hesabı ilə məğlub olan İstanbulun "Qalatasaray" klubunun növbəti mərhələyə keçmək şansları az görünürdü. Lakin "Cimbom" ispanlara rahat təslim olmadı. Gərgin və maraqlı mübarizə şəraitində keçən oyunda "Qalatasaray" rəqibinə 3:2 hesabı ilə qalib gəldi. Bununla belə, ilk oyunun nəticəsinə görə yarımfinala "Real" çıxdı.
Dortmund "Borussiya"sı öz meydanında İspaniyanın "Malaqa" klubunu qəbul edib. İlk qarşılaşmaları 0:0 hesabı ilə bitən bu komandaların oyununda qapılara beş qol vurulub. Görüşün 90-cı dəqiqəsinə qədər 1:2 hesabı ilə məğlub olan Dortmund təmsilçisi inanılmaz əzmkarlıq göstərərək 90+1 və 90+2-ci dəqiqələrdə daha iki qol vuraraq yarımfinala vəsiqə qazanıb.
“Borussiya” (Dortmund, Almaniya) – “Malaqa” (İspaniya) - 3:2
“Qalatasaray” (Türkiyə) – “Real” (İspaniya) - 3:2
Bu gün daha iki oyun olacaq:
23:45. “Barselona” (İspaniya) – PSJ (Fransa)
23:45. “Yuventus” (İtaliya) – “Bavariya” (Almaniya)
