““Nefçi” keçən il Avroliqada mübarizə apararkən öz gücümüz hesabına İtaliyanın “İnter” komandası ilə qarşılaşdı. Yaxşı olardı ki, klublarımız möhtəşəm klublarla yoldaşlıq görüşlərində deyil, rəsmi görüşlərdə qarşılaşsınlar”. Bunu Modern.az-a “Neftçi” klubunun mətbuat xidmətinin rəhbəri Gündüz Abbaszadə deyib. Onun sözlərinə görə, bu il “Neftçi” daha böyük uğura imza atmaq niyyətindədir. “Çempionlar Liqasında yaxşı çıxış etməklə buna nail olmaq istəyirik. İnanıram ki, “Neftçi” bu mövsüm Avropada layiqli mübarizə aparacaq və ən azı Avroliqanın qrup mərhələsinə düşəcək”.
