ATV-də yayımlanan “Səni axtarıram” və “ATV gündəm” verilişlərinin müəllifi Xoşqədəm Hidayətqızı qanlı döyüşlərin getdiyi Suriyadadır. Tanınmış telejurnalist bu ölkəyə qardaş Türkiyədən keçib.
Bu barədə Modern.az-a ATV-dən məlumat verilib. Bildirilib ki, bu gün axşam saatlarında Türkiyədən Suriyaya keçən X.Hidayətqızı maraqlı kadrlar çəkməyə nail olub.
X.Hidayətqızının mayın 18-də günorta saatlarında Azərbaycana qayıdacağı gözlənilir.. X.Hidayətqızı sabah 21:00-da ATV-də efirə çıxacaq “ATV gündəm” verilişini canlı təqdim edəcək. Tamaşaçılar X.Hidayətqızının Suriyada çəkdiyi kadrları “ATV gündəm” verilişində izləyə biləcəklər.
Modern.az
