Modern.az

Nazirlik Musa Qasımlıya cavab verdi 

Nazirlik Musa Qasımlıya cavab verdi 

17 Mart 2023, 19:46

Elm və Təhsil Nazirliyi Milli Məclisin deputatı Musa Qasımlının Yardımlı rayonu Solqard ibtidai məktəbi barədə fikirlərinə münasibət bildirib.

 

Modern.az xəbər verir ki, bu haqda nazirlik açıqlama yayıb.

 

“Təəssüf edirik ki, deputat Musa Qasımlı məktəb barədə qeyri-düzgün və dəqiqləşdirilməmiş məlumatlara istinad edərək yanlış təəssürat yaradıb. 

 

Bildiririk ki, sözügedən məktəb 1998-ci ildən fəaliyyətə başlayıb və 2014-cü ildə yerli icra hakimiyyətinin sifarişi ilə podratçı təşkilat "Reyhan MMC" tərəfindən yenidən inşa edilib. 80 şagird yerlik məktəbdə 14 sinif otağı mövcuddur. Məktəbin fəaliyyət göstərdiyi illərdə burada illər üzrə 4- 5 şagird təhsil alıb. 

 

Məktəbdə şagird olmadığı üçün ötən tədris ilində fəaliyyətini müvəqqəti dayandırıb”,- açıqlamada deyilir.

 

Musa Qasımlı bu gün parlamentin iclasında bildirib ki, bir neçə il əvvəl Yardımlının Solqard kəndində müasir məktəb binası tikilib, 2022-2023-cü ildə isə məktəb bağlanıb.

 

"Bu, onu göstərir ki, Elm və Təhsil Nazirliyində planlaşdırma, proqnozlaşdırma sıfır səviyyəsindədir. Dövlətin vəsaiti havaya sovruldu, məktəb bağlandı. Bunu edənlər dövlətin, hökumətin qarşısında cavab verməlidir”, - deputat çıxışında qeyd edib.

Telegram
Hadisələri anında izləyin!
Keçid et
BAKI TƏSDİQLƏDİ - Sülhməramlılar Qarabağdan belə çıxarıldı