Türkiyənin Hatay və Adıyaman vilayətlərində baş vermiş zəlzələdən sonra bağlanan məktəblər aprelin 24-də açılacaq.
Modern.az-ın məlumatına görə, bu barədə Türkiyənin təhsil naziri Mahmut Özer bildirib.
Xatırladaq ki, fevralın 6-da Türkiyədə səhər saatlarında 7.7 və 7.6 bal gücündə iki zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Türkiyədə zəlzələdə ölənlərin sayı 50 min 500 nəfərə çatıb.
