Türkiyə tərəfinin təşəbbüsü ilə Rusiya prezidenti Vladimir Putin ilə Türkiyənin baş naziri Rəcəb Tayyip Ərdoğan arasında telefon danışığı olub. Modern.az bildirir ki, danışıq zamanı ikitərəfli aktual məsələlər: 2012-ci ilin dekabrında İstanbulda baş tutan 3-cü Yüksək Əmkdaşlıq Şurasında əldə olunan razılaşmaların reallaşması müzakirə edilib. Şuranın növbəti toplantısı ilin sonunadək Rusiyada baş tutacaq. Hər ikitərəf Rusiya-Türkiyə münasibətlərindəki çoxşaxəli əməkdaşlığa, o cümlədən energetika sahəsindəki əməkdaşlığa yüksək qiymət verib. Putin və Ərdoğan regiondakı vəziyyətə, o cümlədən Suriyadakı vətəndaş müharibəsinə də toxunublar.
Telefon danışığı zamanı məsələnin siyasi həlli naminə iki ölkənin fəaliyyətinin koordinasiya edilməsi məsələsində razılığa gəlinib. Tərəflər müntəzəm əlaqədə olmaq barədə razılığa gəliblər.
Vüqar İsmayılov
