“Biz beynəlxalq strukturlar vasitəsilə müharibədə itkin düşmüş şəxslərin tapılması üçün Azərbaycanla əlaqə yaratmağa çalışırıq”. Modern.az bildirir ki, bu sözləri Ermənistanın Müdafiə naziri Seyran Ohanyan KİV-ə açıqlamasında bildirib.
Müdafiə naziri Seyran Ohanyan qeyd edib ki, itkin düşmüş şəxslərin tapılması üçün operativ-axtarış işləri davam edir və itkin düşmüş şəxslər üzrə komissiya bununla bağlı ildə iki dəfə iclas keçirir. Bununla belə nazir bu işlərin “elə də effektli” olmadığını boynuna alıb. O qeyd edib ki, Azərbaycanla birbaşa əlaqənin olmaması dolğun informasiyanın əldə edilməsinə mane olur.
“İkin düşmüş xilaskar-döyüşçülər Şurası” QHT-sinin sədri Rimma Avetikyannın məlumatına görə, erməni tərəfinin siyahılarında 400 nəfər itkin düşmüş şəxs var ki, onlardan 90 nəfri artıq tapılıb, axtarışlar davam edir.
V. İsmayılov
