Milli Məclisdə rezidenturanın tibb təhsilində 8-ci mərhələ hesab edilməsi təklif edilib.
Modern.az xəbər verir ki, bu barədə Milli Məclisinin Səhiyyə komitəsinin iclasında deputat Rəşad Mahmudov bildirib.
“Tibb təhsili alan tələbələrin beynəlxalq səviyyədə rezidentura proqramınını doktorantura səviyyəsində qəbul edilməməsi halı var. Təəssüf ki, bu, bizdə belə deyil. Rezidentura təhsilin səkkizinci mərhələsi kimi qəbul edilir, amma ölkəmizdə bu, 7-ci mərhələ hesab olunur. Azərbaycanda təhsil alan rezidentura tələbələri nəzərə alaraq yaxın zamanda bununla bağlı qanuna dəyişiklik olunmalıdır. Ölkəmizdə də rezidentura səviyyəsi tibb təhsilində 8-ci mərhələ hesab olunmalıdır”,- deyə deputat bildirib.
