İrana getmək istəyən bir qrup Azərbaycan vətəndaşı bu ölkəyə səfərini təxirə salıb. Daha çox müalicə almaq üçün bu ölkəyə üz tutan soydaşlarımız İrana getmək istəsələr də sərhəd keçid məntəqələrində problemlə üzləşdiklərini bildirirlər.
Sakinlərin sözlərinə görə, Ramazan ayının başlaması ilə əlaqədar İran tərəfi Azərbaycanla gediş-gəlişə müəyyən məhdudiyyətlər qoyub.
Məlumatı dəqiqləşdirmək üçün İranın Azərbaycandakı səfirliyi ilə əlaqə saxladıq. Səfirliyin mətbuat xidməti məlumatı təkzib etdi.
“İran İslam Respublikası Azərbaycan vətəndaşlarına belə bir məhdudiyyət qoymayıb, gediş-gəliş əvvəlki qaydada tətbiq edilir.Hər hansı problem yoxdur”-deyə səfirlikdən Modern.az-a açıqlama verilib.
Anar RÜSTƏMOV
