“Mədəniyyət və Turizm Nazirliyi məzarların köçürülməsi ilə məşğul olan təşkilat deyil”. Bunu Modern.az-a açıqlamasında nazirliyin mətbuat xidmətinin əməkdaşı Zöhrə Əliyeva Əliağa Şıxlinski və Səməd bəy Mehmandarovun məzarlarının köçürülməsi ilə bağlı Milli Məclisdə səslənən fikirlərə münasibət bildirərkən deyib.
“Bu qərarı ilk növbədə, dövlət başçısı verməlidir. Parlamentdə bir neçə dəfə tərəfindən səslənən bu fikirlərin ictimaiyyətdə geniş müzakirəsini görməmişəm. Qəzet səhifələrində də bu məsələ ilə bağlı səslənən fikirlərə rast gəlməmişəm. Sadəcə olaraq, fikir kimi səslənib. Mədəniyyət və Turizm Nazirliyi bu cür məsələlərə qərar verən təşkilat deyil. O belə işlərin icrası ilə məşğul olmur”, – deyə Zöhrə Əliyeva əlavə edib.
Namidə BİNGÖL
