"Müəllimlər qəbul olduqları postu istəmirlərsə, ora getməsinlər".
Modern.az xəbər verir ki, bunu Təhsil İnstitutunun Metodik Dəstək və Peşəkar İnkişaf Mərkəzinin direktoru Nəzakət Mehdiyeva söyləyib.
"Mən buradan namizədlərə müraciət etmək istəyirəm ki, qəbul olduqları postu istəmirlərsə, oraya qəbul olublar deyə getməsinlər. Vakansiya seçimlərinə ciddi yanaşsınlar. Yəni getmək istədikləri yerdən əmin olsunlar. Çünki bu, həm özlərinin, həm də şagirdlərin gələcəyi üçün faydalııdır",- deyə o bildirib.
Qeyd edək ki, iyulun 11-də 2023-2024-cü tədris ili üçün müəllimlərin işə qəbulu üzrə müsabiqənin test imtahanı mərhələsi keçiriləcək.
