Bəxtiyar Hacıyevin polis tərəfindən saxlanılması təsdiqlənib. Modern.az APA-ya istinadən bildirir ki, Nərimanov rayon Polis İdarəsinin 18-ci Polis Bölməsindən Bəxtiyar Hacıyevin hazırda bölmədə saxlanıldığı deyilib. Qeyd edilib ki, B. Hacıyevi bölməyə Post Patrul Xidməti bölüyünün əməkdaşları gətiriblər: “Post Patrul Xidməti əməkdaşları piyada keçidindən istifadə etməyən şəxslərə qarşı tədbir görərkən Bəxtiyar Hacıyev həmin ərazidə qanunsuz çəkiliş aparıb. Çəkilişin hansı məqsədlə aparılmasını müəyyən etmək üçün o polis bölməsinə dəvət edilib. Araşdırma başa çatandan sonra həmin şəxs sərbəst buraxılacaq”.
Qeyd edək ki, B. Hacıyev öz “Facebook” səhifəsində polis tərəfindən saxlanılması barədə status yayıb: "Polis vətəndaşı döyəndə fotosunu çəkirdim, 18 sayli Nerimanov polis şöbesinə aparırlar məni də, döyülən vətəndaşı da."
Modern.az
