Azərbaycanın tanınmış kinorejissorlarından olan Ələkbər Muradov ötən gecə 65 yaşında dünyasını dəyişib.
Modern.az-ın xəbərinə görə, bu barədə onun həmkarı Əli İsa Cabbarov məlumat verib. Onun üzun sürən xəstəlik nəticəsində vəfat etdiyi bildirilir.
Ələkbər Yunus oğlu Muradov 1 avqust 1948-ci ildə Bakıda anadan olub. Azərbaycan Neft-Kimya İnstitutunda (1966-1971), Moskvada Ümumittifaq Dövlət Kinematoqrafiya İnstitutunun kinooperatorluq fakültəsində təhsil alıb (1973-1978). "Azərbaycanfilm" kinostudiyasında, AzTV-nin "Ekran" Yaradıcılıq Birliyində çalışıb. Son vaxtlar Lider TV-də işləyib. Əməkdar incəsənət xadimidir.
Ələkbər Muradov "Güllələnmə təxirə salınır", "Qərib cinlər diyarında", "Qorxma, mən səninləyəm", "Mən mahnı qoşuram" məşhur filmlərinin, eləcə də, onlarla digər ekran əsərinin rejissoru olub.
Qeyd edək ki, 1 avqust tarixi Ə.Muradovun ad günüdür. Bu gün o, 65 yaşını qeyd edəcəkdi.
Allah rəhmət eləsin!
