Bakının Qaradağ rayonunda yerləşən və paytaxtın ən böyük bazarlarından sayılan “Binə” ticarət mərkəzinin rəhbəri, sahibkar Kəbirə Məmmədovaya qarşı vergi cinayətinin açılması ilə bağlı xəbərlər yayılıb. Bu xəbərlərdə “Binə” ticarət mərkəzində ciddi yoxlamalara başlanıldığı deyilir.
Məsələ ilə bağlı
Modern.az-ın sorğusunu cavablandıran Vergilər Nazirliyi artıq rəsmi mövqeyini açılayıb.
Belə ki, nazirlikdən bildirilib ki, “Binə” ticarət mərkəzinin rəhbəri, sahibkar Kəbirə Məmmədovaya qarşı vergi cinayətinin açılması ilə bağlı onlarda heç bir məlumat yoxdur.
Bir müddət öncə Kəbirə Məmmədovanın Azərbaycanı tərk etməsi ilə bağlı informasiyalar da yayılıb. Məlumata görə, iş adamı son vaxtlar törətdiyi özbaşınalıqların üstü açıldığı üçün Azərbaycandan qaçıb.
Gültəkin ƏLƏSGƏR
