Bakı Mühəndislik Universitetinin (BMU) daha bir qrup məzunu magistratura səviyyəsi üzrə “Gənclərin xarici ölkələrin nüfuzlu ali təhsil müəssisələrində təhsil almalarına dair 2022-2026-cı illər üçün Dövlət Proqramı”nın iştirakçısı seçilib.
Modern.az xəbər verir ki, BMU-nun Mühəndislik fakültəsinin Mexanika mühəndisliyi ixtisasının 2023-cü tədris ili üzrə məzunları - Əlizamin Babayev və Bikə Məmmədzadə təhsilini Budapeşt Texnologiya və İqtisadiyyat Universitetində “Mechanical engineering modelling” ixtisası, Əbülfət Əsədov Böyük Britaniyanın Leeds Universitetində Mexatronika/Robotika ixtisası, Əlinur Əhmədli Çex Texniki Universitetində Kibernetika və robototexnika ixtisası, Murad Mustafazadə isə Nyu York Universitetinin Mexatronika/Robotika ixtisası üzrə davam etdiricək.
Qeyd edək ki, bakalavriat səviyyəsini Ə.Babayev ortalama müvəffəqiyyət göstəricisi 80.25, Ə.Əsədov 88, B.Məmmədzadə 81.03, Ə.Əhmədli 78.05, M.Mustafazadə isə 90.67 balla tamamlayıb.
