Mətin Turanın azad olunmasıyla bağlı danışıqlar aparılır 
Keçən həftə TRT- nin Qahirədəki müxbirinin bu ölkədə həbs edilməsiylə bağlı TRT beynəlxalq media nümayəndələrinə müraciət ünvanlayıb. Xatırladaq ki, adı çəkilən media qurumunun Qahirə müxbiri Mətin Turan reportaj hazırlamaq üçün bu şəhərin Ramses meydanındakı Əl Fəth məscidinə yollanmışdı. Onunla birlikdə təxminən 500 nəfərlik qrup məscidə sığınmışdı. Bu ərazi Misirin təhlükəsizlik orqanları tərəfindən 18 saat mühasirədə saxlanılıb. Əl Fəth Məscidinə qaz bombaları ilə müdaxilə edildikdən sonra mühasirə aradan qaldırılıb. Sonradan məlum olub ki, Anadolu Agentliyi müxbiri Hiba Zekeriya azad edilib.
TRT Bakı Təmsilcisi Yüksəl Değercanın
Modern.az saytına bildirib ki, TRT müxbiri Mətin Turanı həbs müddəti uzadılıb, onun azad edilməsi üçün Türkiyənin Qahirədəki səfirliyi tərəfindən diplomatik danışıqlar davam etdirilir. Səfirlik nümayəndələri və vəkillərdən ibarət yaradılmış qrupun M.Turanın saxlanıldığı həbsxanaya getdiyi də qeyd edilib. Bu arada Türkiyə xarici işlər naziri Əhməd Davudoğlu da son vəziyyəti ictimaiyyətə Twitter vasitəsilə çatdırıb. Davudoğlu Hiba Zəkəriyyənin azad olunduğunu, Mətin Turanın isə azad olunması prosesinin davam etdiyini yazıb. Misir nümayəndələri, Mətin Turanın vəziyyətinin yaxşı olduğunu, dindirilmə prosesinin qadın və gənclərdən başladığı üçün zaman aldığını açıqlayıb.
Hazırkı vəziyyəti Türkiyədə böyük narahatlıqla qarşılandığını bildirilən TRT-nin müraciətində deyilir: “Türkiyədə prosesləri yaxından izləyən beynəlxalq medianın Misirdəki olayları, vəhşilikləri işıqlandırmadığını görürük. Dünyada gedən prosesləri, elecə də beynəlxalq media nümayəndələrinin üzləşdiyi problemlərə etinasız yanasmalarının şahidi oluruq. Bölgədə mülki əhali ilə yanaşı, jurnalistlərin öldürüldüyünü diqqətə alaraq TRT Qahirə müxbirinin azad olunması üçün ortaq beynəlxalq medianı birliyə çağırırıq”.
L.SƏMLA
