Türkiyənin Qahirədəki səfirliyi Misirdəki iğtişaşlar zamanı saxlanılan TRT-nin müxbiri Metin Turanla görüşüb. Modern.az türk mətbuatına istinadən bildirir ki, Türkiyə xarici işlər nazirinin mətbuat katibi Levent Gömrükçü Twitter səhifəsində Metin Turanın səhhətində hər hansısa problem olmadığını yazıb.
“Qahirədə polis tərəfindən saxlanılan jurnalist Metin Turan haqqında ilk gündən bəri danışıqlarımız davam edir. Səfirimiz onunla 3 saatlıq bir görüşdə olub. Sağlamlığı yaxşıdır. Tezliklə azadlıqda olması üçün əlimizdən gələni edirik.”
Elçin MURAD
