2013-cü il, Avqust ayının 12-də UNİCEF və Beynəlxalq Avrasiya Mətbuat Fondu tərəfindən (BAMF) “Azərbaycan Gənclərinə Dəstək Proqramı” (AGDP) nın həyata keçirildiyi regionlardan olan gənclər bir araya gəlib. Modern.az bildirir ki, BMT – nin göstərişi ilə “Gənclərin Miqrasiyası:irəliləyir və inkişaf edir” mövzusunda 2013-cü il Beynəlxalq Gənclər Gününü qeyd etdilib. BAMF-ın Tərtərdə yerləşən Peşə Təlim Mərkəzində 40-dan çox gənc bu tədbirdə iştirak etib.
Mövzu miqrasiya ilə bağlı olduğuna görə Beynəlxalq Miqrasiya Təşkilatının Azərbaycandakı ofisinin nümayəndəsi də tədbirdə iştirak edib və gənclərə müvafiq məslələrlə bağlı ətraflı məlumat verilib. Tədbir BAMF-ın Sədri Umud Mirzəyevin açılış nitqi ilə başlayıb və günün əhəmiyyətini, UNİCEF-in kənd yerlərində yaşayan yeniyetmə və gənclərin inkişafına göstərdiyi dəstək diqqətə çatdırılıb. AGDP -nın fəaliyyət qrupunun üzvü BMT-nin Baş Katibinin Beynəlxalq Gənclər Gününə həsr olunmuş nitqini azərbaycan dilində auditoriyaya oxuyub.