“Düşünmürəm ki, oktaybrın 9-da keçiriləcək prezident seçkiləri Milli Məclisin iclaslarına təsir etsin”. Bu sözləri Modern.az-a açıqlamasında Milli Məclisin vitse-spikeri Bahar Muradova deyib.
O qeyd edib ki, Milli Məclisin deputatları ölkədə və ölkədən kənarda keçirilən bir çox tədbirlərdə hər zaman iştirak edirlər və bununla bağlı heç vaxt problem yaşanmayıb: “Güman etmirəm ki, belə hal başa verə bilər. Çünki Milli Məclisin deputatları ölkədə və ölkədən kənarda keçirilən bir çox tədbirlərdə hər zaman iştirak edirlər və bununla bağlı Milli Məclisin iclaslarının keçirilməsində heç bir problem yaşanmayıb. Düşünürəm ki, qarşıdan gələn prezident seçkiləri zamanı da yaşanmaz”.
Aytən ƏLİYEVA