İran xarici işlər nazirinin sözçüsü Seyid Əli Əraqçi Azərbaycanı mədəni istilada ittiham edib. Modern.az “Fars” agentliyinə istinadən xəbər verir ki, Əraqçı jurnalistlərə açıqlamasında Azərbaycanın Nizami Gəncəvini öz şairləri kimi təqdim etməsinə etiraz edib.
İran rəsmisinin sözlərinə görə, Nizami Gəncəvinin Gəncədə yerləşən məqbərəsindəki fars dilində yazılan şerlər təmir adı ilə ordan götürülüb. “Əgər Azərbaycanın səyləri ilə Nizaminin məqrəbəsindəki farsdilli şeirlər sabah dəyişib türk dilində yazılsa belə, bunlar onun mədəni və tarixi baxımdan fars xalqına mənsubluğunu dəyişə bilməz”.
Tehran Universitetinin Alimlər Şurasının üzvü Qulam Abbas Əkbəri isə daha da irəli gedərək Azərbaycanı tarixə malik olmayan ölkə adlandırıb. “Öz tarixi olmayan Azərbaycan özünə mədəniyyət yaratmaq üçün istənilən yola əl atır”.
Xatırladaq ki, bir çox tarixi-mədəni şəxslərin və musiqi alətlərinin mənsubluğu üstündə Azərbaycanla İran arasında mübahisə mövcuddur.
Vüqar İsmayılov
