“Zərdab rayonunda əhaliyə çaqqalların hücum etməsi ilə bağlı Ekologiya və Təbii Sərvətlər Nazirliyində heç bir məlumat yoxdur”. Bunu
Modern.az-a açıqlamasında Ekologiya və Təbii Sərvətlər Nazirliyində departament direktorunun müavini Hikmət Əlizadə deyib. H.Əlizadə bu cür halların baş verməsi zamanı profilaktik tədbirlərin olub-olmamasına da toxunaraq “belə halların baş verməməsi üçün hər hansı bir profilaktik tədbir keçirilmir”, – deyib.
“Sadəcə vəhşi heyvanlar nədənsə qıcıqlanıb insanlara hücum edə bilər. Bu cür hallar baş verdikdə isə rəsmi olaraq Ekologiya Nazirliyinin yerli qurumuna, Ekologiya şöbəsinə müraciət olunmalıdır. Bununla bağlı tapşırıq var. Yerli qurumlarda komissiyalar yaradılıb. Hadisə nəzarət məntəqəsinə götürülür ki, həmin əraziyə kütləvi hücum baş verib. Bu zaman həmin heyvanların sayı tənzimlənir”.
Qeyd edək ki, bu gün səhər saatlarında
Modern.az-ın əməkdaşına Zərdabda əhaliyə çaqqalların hücum etməsi ilə bağlı informasiya daxil olub.
Namidə BİNGÖL
