Tələbə Qəbulu üzrə Dövlət Komissiyasının sədri Məleykə Abbaszadə bu gün jurnalistlərin iştirakı ilə tədbir keçirir. Modern.az xəbər verir ki, Tədbirdə avqustun 25-də ümumi orta təhsil bazasından 9 illik, orta ixtisas təhsil bazasından qəbul imtahanı keçirir.
Müsabiqədə iştirak etmək üçün 39.551 abituriyent ərizə təqdim edib: 15.986 nəfər oğlan və 23.565 qız. 37.540 abituriyent Azərbaycan bölməsinə, 1011 abituriyent isə rus bölməsi üzrə imtahan verəcək. Ərizə verənlərin 283 nəfəri artıq orta ixtisas bazasında məzun olmuş şəxslər, 47 nəfəri isə ali təhsillidir. 114 abituriyent xarici ölkə vətəndaşıdır. Ən yaşlı abituriyent 1965 il, ən gənc abituriyent 2001-ci il təvəllüdlüdür. Qəbul imtahanı mərkəzləşdirilmiş qaydada 12 şəhərə (Bakı, Naxçıvan, Gəncə Sumqayıt, Mingəçevir, Şəki, Ağcabədi, Göyçay, Şirvan, Salyan, Lənkəran, Masallı, Xaçmaz) keçiriləcək.
İmtahan keçirilməsi üçün ümumilikdə 71 imtahan mərkəzi, 51 imtahan rəhbəri, 3314 nəzarətçi müəllim ayrılıb. Bakı şəhəri üzrə 11.961, Naxçıvanda 1892, Gəncədə 3429 Tovuzda, 1766, Sumqayıtda 2448, Mingəçevir 2417, Şəkidə 2064, Ağsuda 1537, Göyçayda 2119, Şirvan 2625, Salyan 1634, Lənkəranda 1656, Masallıda 1534, Xaçmazda isə 2469 abituriyentin imtahan verəcəyi gözlənilir. Abituriyentlər bir saat 30 dəqiqə ərzində hər fəndən 15 sual olmaqla ana dili, Azərbaycan tarixi riyaziyyatdan imtahan verəcəklər.
Aytən Əliyeva
