Modern.az

Əli Həsənov: “Leyla Əliyevanın apardığı işə baxın”

Əli Həsənov: “Leyla Əliyevanın apardığı işə baxın”

Təhsil

23 Avqust 2013, 15:33


“Ədalətsiz dövrdə hər hansı bir dövləti qoruyub saxlamaq asan iş deyil”. Modern.az xəbər verir ki, bunu Cəbrayıl rayonunun işğalının anım günündə iştirak edən baş nazirin müavini Əli Həsənov deyib.                                        

O, diqqəti ərəb dünyasında baş verən hadisələrə yönəldərək “yaşadığımız dünya çox ədalətsizdir. İndiki insanlar ədalətsiz dünyada yaşayırlar. Dünyanın hansısa gücləri ərəb ölkələrində insanlara demokratiya, insan hüquqları verəcəkdilər kimi məsələləri önə çəkirlər. Həmin ölkələrin necə idarə olunması məsələnin ikinci tərəfidir. Liviyada, Misirdə vaxtilə insanlar  rifah içində yaşayırdılar. İndi baxın görün orda insanlar yaşaya bilirmi?! İnsanlara vəd edilən demokratiyanın sonu göz önündədir. Artıq Hüsnü Mübarək azad olunub. Artıq insanlar Hüsnü Mübarəkə rəhmət oxuyacaqlar”, – deyə vurğulayıb.

Eyni zamanda, Əli Həsənov bildirib ki, işğal olunmuş ərazilərin anım tarixlərini göz yaşları içərisində keçirmək doğru deyil.
“Heydər Əliyev Fondunun Rusiya bölümünün rəhbəri Leyla Əliyevanın “Xocalıya ədalət” kampaniyası altında apardığı işə baxın. Diqqət etmək lazımdır ki, bu iş bütün dünyada Xocalıya ədaləti bərpa etmək gücündə olan bir məsələdir. Buna görə də anım günlərimizi qəm, kədər, göz yaşları üstündə deyil, mübarizə üstündə kökləməliyik”.  

Modern.az
   
Instagram
Gündəmdən xəbəriniz olsun!
Keçid et
Rusiyadan hücum - Bu dəfə Türkiyəni vurdular